HORNSTRANDIR
119.000.- kr.
Lengd ferðar: 5 dagar / 4 nætur.
Erfiðleikastig 2-3 af 4 skór (sjá hér)
DAGSETNING:
17. - 20. júlí, 2024.
INNIFALIÐ:
Gisting í Hornbjargsvita, sigling milli Norðurfjarðar og Hornbjargsvita, morgun- og kvöldmatur og fararstjórn.
Ekki innifalið er nesti yfir daginn.
Grænar ferðir ætlar að bjóða upp á gönguferð á Hörnströndum. Við ætlum að ganga saman, gera jóga, synda í sjónum fyrir þá sem vilja, slaka á, skemmta okkur og síðast en ekki síst að njóta þessa magnaða svæðis. Jóga á hverjum morgni áður en við leggjum af stað í gönguferð dagsins, slökun og hugleiðsla úti á Horni og einnig munum við grípa tækifærin þegar þau gefast til að njóta, slaka á og hugleiða í gönguferðunum. Innifalið er gisting í Hornbjargsvita, sigling, fararstjórn, jóga og matur. Dagsferðir frá Hornbjargsvita, svo eingöngu er gengið með dagpoka.
DAGUR 1 / 17. júlí
Siglt frá Norðurfirði inn í Hornbjargsvita. Ef veður og aðstæður leyfa förum við af bátnum í Barðsvík og göngum yfir í Hornbjargsvita með dagpoka (farangur fer í Hornbjargsvita). Komum okkur fyrir, skoðum nærumhverfið, borðum kvöldmat og höfum það notalegt.
DAGUR 2 / 18. júlí
Við leggjum snemma af stað, og göngum út á Horn. Gangan er 18-20 km löng og tekur um 8-10 klst. Lengdin fer eftir því hvort við göngum fram og til baka eða tökum hringleið. Horn er ævintýralegt og gangan er ákaflega falleg og fjölbreytt. Ef veður leyfir munum við fara hringleið, þ.e. förum út víkina á leiðinni út á Horn og svokallaða efri leið til baka.
DAGUR 3 / 19. júlí
Leggjum snemma af stað og göngum í Hornvíkina. Gangan er um 13 km löng, og tekur um 6-8 klst. Skoðum Hornvíkina og njótum hennar og göngum upp Kýrskarð og þar niður í Hornbjargsvita. Mögulega munum við svissa degi 2 og 3. Það fer allt eftir veðri.
DAGUR 4 / 20. júlí
Síðasta daginn göngum við frá, og leikum okkur í nágrenninu á meðan að við bíðum eftir bátnum.
Allir dagar byrja með léttu jóga og hugleiðingum fyrir daginn. Allir dagar enda á góðum teygjum. Mögulega bætum við slökun og öndun inn ef veður og aðstæður leyfa í göngutúrunum.
Fararstjórn
Gróa Másdóttir og Sigrún Eiríksdóttir