LAUGAVEGUR GANGA
109.000 kr.
Lengd göngu: 54 km.
Lengd ferðar: 5 dagar / 4 nætur.
Erfiðleikastig 2 af 4 skór (sjá hér).
DAGSETNING:
Vikan 21. - 25. júní.
INNIFALIÐ:
Rútuferðir, trúss, morgun- og kvöldmatur, fararstjórn og gisting í skálum. Ekki innifalið er nesti yfir daginn.
Við ætlum að ganga saman Laugaveginn, og njóta saman magnaðrar náttúru. Dásamleg útivist í góðum félagsskap, með áherslu á náttúruupplifun og njóta en ekki þjóta. Þetta er trúss ferð, svo þú þarft bara að ganga með dagpoka. Hollur og góður kvöldmatur frá Krúsku í boði öll kvöld. Grillað saman síðasta kvöldið.
DAGUR 1 / 21. júní
Reykjavík - Landmannalaugar.
Rúta frá Reykjavík til Landmannalauga. Við skoðum Landmannalaugar og njótum fallegrar náttúru. Leggjum svo af stað í Hrafntinnusker.
Landmannalaugar - Hrafntinnusker. 12 km. / 5-6 klst. / Upphækkun 470 m.
Í dag er gengið um 12 km. frá Landmannalaugum til Hrafntinnukers. Heildarhækkun er um 470 m. Við göngum hægt yfir þennan hluta til þess að geta notið þess sem landslagið hefur upp á að bjóða sem eru ríólít fjöll í öllum regnbogans litum, gróft og fallegt hraun og hverir.
Gangan hefst með því að fara yfir hið magnaða Laugahraun sem myndaðist í eldgosi í Brennisteinsöldu árið 1477. Við höldum áfram uppávið, framhjá Stórahver og komum þá að einum af fegurstu stöðum heims, þar sem litadýrðin minnir helst á málverk. Við göngum áfram yfir í landslag sem einkennist af kolsvartri hrafntinnu, uns við komum í skálann í Hrafntinnuskeri, þar sem við gistum.
DAGUR 2 / 22. júní
Hrafntinnusker - Álftavatn. 12 km. / 6 klst. / Lækkun 490 m.
Í dag er gengið um 12 km. frá Hrafntinnuskeri í Áfltavatn. Heildarlækkun er 490 m.
Við göngum meðfram hlíðum Reykjafjalla, niður í Jökultungur og að Áfltavatni, þar sem við gistum í nótt. Eftir morgunmat í Hrafntinnuskeri, höldum við um töfrandi landslag, sem einkennist af jarðhita og marglitum Reykjafjöllum, dökkum palagónít-móbergsfjöllum, með stöku hvítum blettum af snjó. Ef veður og skyggni leyfir munum við ganga á fjallið Háskerðing. Háskerðingur bíður upp á eitt fallegasta útsýni landsins, yfir marglita dali, fjöll, eldfjöll og jökla. Við höldum svo áfram niðurávið að Áfltavatni þar sem við gistum.
DAGUR 3 / 23. júní
Álftavatn - Emstrur. 16 km. / 7-8 klst. / Lækkun 40 m.
Í dag er gengið 16 km frá Álftavatni að Emstrum. Heildarlækkun er 40 m. Munum að pakka vaðskóm ofarlega í dag því við þurfum að vaða yfir ár.
Ef veður leyfir munum við ganga óhefðbundna og mun fallegri leið sem tilheyrir ekki dæmigerðri Laugavegsgöngu. Leiðin liggur meðfram Álftavatni og fer yfir dásamlega fallegan dal. Við þurfum að vaða yfir frekar djúpa á. Ef veður er slæmt og mikið í ám, er gengið um hefðbundna slóð, yfir Brattháls, í gegnum Hvanngil og síðan eftir þjóðveginum. Síðan höldum við áfram göngu á Mælifellssandi, svartri sandeyðimörk mynduð af einstöku samspili íss og elds. Þegar við nálgumst Emstrur breytist landslagið og ef veður leyfir fáum við útsýni yfir Eyjafjallajökul og Mýrdalsjökul. Eftir að við höfum komið okkur fyrir í Emstrum, skoðum við hið stórbrotna Markarfljótsgil.
DAGUR 4 / 24. júní
Emstrur - Þórsmörk. 15 km / 7-8 klst. / Lækkun 300 m.
Í dag er gengið 15 km frá Emstrum í Þórsmörk. Heildarlækkun er 300 m.
Dagurinn býður upp á margrbotið landslag jökla, dala, fjalla og birkiskóga í Þórsmörk. Eftir að við yfirgefum Emstrur, göngum við meðfram hinum magnaða Mýrdalsjökli og fylgjum Syðri Emstruá, meðfram mjóum og djúpum gljúfrum. Við höldum áfram gegnum Almenninga og framhjá einstöku móbergsfjalli sem kallast Einhyrningur. Fljótlega verður landslagið gróðursælla, þar til við komum í þéttan birkiskóg í Langadal í Þórsmörk. Grill um kvöldið og gistum í Þórsmörk.
TIL HAMINGJU! Þú varst að ljúka einni fallegustu gönguleið heims!!
DAGUR 5 / 25. júní
Við förum til Reykjavíkur. Á meðan við bíðum eftir rútunni verður boðið upp á göngu í nágrenni skálans. Fyrir áhugasama getum við bókað aðra gistingu í Þórsmörk. Þá er hægt að njóta friðlandsins í rólegheitum eða halda áfram að ganga Fimmvörðuhálsinn í Skóga, á eigin vegum. Fyrir einkaleiðsögn yfir Fimmvörðuhálsinn, endilega hafið samband við okkur.
Fararstjórn
Auður Jónasdóttir og Helga Bára